Go’aannada cusub ee Madaxweynaha Mareykanka Donald Trump ee la xiriira kor u qaadista canshuuraha badeecooyinka laga keeno dalal badan oo caalamka ah ayaa khalkhal geliyey suuqyada maaliyadeed ee dunida. Su’aasha la is weydiinayo ayaa ah: Sidee ayuu dagaalka ganacsi ee Trump u saameyn karaa Soomaaliya?
1.
Kordhinta Canshuuraha:
Trump wuxuu ku
dhawaaqay in laga bilaabo 5 April 2025 la dhaqan gelinayo canshuur guud oo ah
10%, iyo kuwa kale oo gaar ah oo gaaraya ilaa 54% iyadoo ku xiran waddanka laga
keenayo badeecada. Wadamada sida Shiinaha, Jarmalka, iyo Japan ayaa si toos ah
u saameyn doona, waxayna durba bilaabeen inay is-difaacaan oo ay soo rogaan
canshuur lamid ah.
2.
Khalkhalka Suuqyada Maaliyadeed
Wararka ku saabsan
canshuuraha cusub waxay sababeen hoos u dhac weyn oo ka dhacay suuqyada
saamiyada adduunka. Tusaale ahaan, Dow Jones wuxuu hoos u dhacay 9.5% seddex
maalmood gudahood, halka Nasdaq iyo S&P 500 ay iyaguna lumiyeen boqolleyo
badan oo qiimo ah. Suuqa lacagaha qalaadna (DXY) wuxuu muujiyey in Dollar-ku
hoos u dhacay, taasoo muujinaysa kalsooni-darro dhaqaale.
3.
Saameynta Tooska ah ee Soomaaliya
Soomaaliya si toos ah
uguma jirto liiska dalalka la canshuurayo, laakiin taasi macnaheedu maaha in
aysan saameyn dareemi doonin. Waxaa jiri kara dhowr saameyn oo dadban:
ü Qiimaha Badeecooyinka: Badeecooyinka ka imaanaya
waddamada la canshuuray, gaar ahaan Shiinaha, waxay suurtagal tahay in
qiimahooda sare u kaco maadaama suuqyadii Mareykanka laga xayiray. Tani waxay
si toos ah u saameyn kartaa qiimaha badeecooyinka ay Soomaaliya ka soo
dhoofsato.
ü Hoos u Dhaca Suuqyada Caalamka: Maadaama dhaqaalaha
dunida isku xiranyahay, khalkhalka ka dhaca dhaqaalaha weyn sida Mareykanka
wuxuu si dadban u saameyn karaa maalgashiga, sicir-bararka iyo qiimaha lacagaha
caalamka — taasoo keeni karta in Soomaaliya la kulanto xasillooni la’aan
dhaqaale.
ü Badeecooyin Raqiis ah: Marka Mareykanku canshuur
sare saaro badeecooyinka ka imaanaya dalal sida Shiinaha, warshadaha dalalkaasi
waxay u baahanayaan suuqyo kale oo ay u dhoofiyaan alaabtooda. Tani waxay
abuuri kartaa fursad dahabi ah oo badeecooyin tayo leh, haddana jaban, lagu soo
rogo Soomaaliya iyo Afrika guud ahaan. Tusaale ahaan, haddii qalabka elektaroonigga
Shiinaha uu ka xirmo suuqyada Mareykanka, shirkadaha Shiinaha waxay ku
qasbanaan doonaan inay qiimo dhimis ku sameeyaan alaabtooda si ay u galaan
suuqyo cusub. Soomaaliya oo aan xayiraad saarnayn waxay noqon kartaa suuq la
beegsado.
